వరంగల్, మే 12 (విజయక్రాంతి): వరంగల్ భద్రకాళి దేవస్థానంలో భద్రకాళీ భద్రేశ్వరుల కల్యాణ బ్రహ్మోత్సవాలలో భాగంగా నాలుగో రోజు ఆదివారం అమ్మవారిని దుర్గామాతగా అలంకరించి సింహ వాహనంపై ఊరేగించారు. ఈ క్రమంలోనే సాయంకాలం గజవాహనం మీద లక్ష్మీమాతగా అలంకరించి ఊరేగించారు. జగద్దురు ఆదిశంకరాచార్య జయంతిని వైభవంగా నిర్వహించారు. ఈ వేడుకలలో ఎస్‌ఎస్‌కె సేవా సమాజ్‌కు చెందిన డాక్టర్ విశ్వనాథ్ దీపక్ శోధన్, రాజ్‌కుమార్, నాగరాజు, ధర్మరాజు, రాంకిషన్, విక్రం, డాక్టర్ ప్రేమ్‌రాజ్, సర్వేశ్వర్, వెంకటరమణ తదితరులు పాల్గొన్నారు.