అనుమానాస్పద స్థితిలో డ్రైవర్ మృతి

కామారెడ్డి, అక్టోబర్ 29 (విజయక్రాంతి): కామారెడ్డి జిల్లా పాల్వంచ మండలం ఇసాయిపేట్ శివారులో పాలవ్యాన్ డ్రైవర్ తోకల కృష్ణ (32) అనుమానాస్పద స్థితిలో మృతిచెందాడు. మాచారెడ్డి ఎస్సై అనిల్‌కు మార్ తెలిపిన వివరాల ప్రకారం.. మాచారెడ్డికి చెందిన తోకల కృష్ణ పాల డెయిరీ వ్యాన్ డ్రైవర్‌గా పనిచేస్తున్నాడు. సోమవారం రాత్రి అయిన కృష్ణ ఇసాయిపేటకు రాకపోవడంతో పాడి రైతులు డెయిరీ నిర్వాహకులకు కాల్ చేశారు.

కృష్ణ ఆచూకీ తెలియకపోవడంతో గ్రామస్తులు గాలింపు చర్యలు చేపట్టి మంగళవారం ఉదయం ఇసాయిపేట్ శివారులో చెట్టుకు వేలాడు తున్న కృష్ణ మృతదేహాన్ని గుర్తించారు. సమాచారం అందుకున్న పోలీసులు ఘటనా స్థలానికి వచ్చా రు. అనుమానాస్పద మృతి కేసు నమోదు చేసి విచారణ ప్రారంభించారు. మృతదేహాన్ని పోస్టుమార్టం నిమిత్తం కామారెడ్డి జిల్లా ఆసుపత్రికి తరలించారు.