ఇల్లెందు (విజయక్రాంతి): సింగరేణి ఇల్లందు ఏరియాలో గత సంవత్సరం మాదిరిగానే ఈ సంవత్సరం కూడా ఈత కొలను గురువారం ఏరియా జి.యం వీసం కృష్ణయ్య ప్రారంభించారు. ఈ సందర్భంగా ఆయన మాట్లాడుతూ.. ఆరోగ్యమే మహాభాగ్యము అని, ఆరోగ్యంగా ఉండడానికి మానసిక ఉల్లాసానికి ఈత అనేది చాలా చక్కటి క్రీడ అని, చాలామంది ఉద్యోగులు సరైన శారీరక శ్రమ లేనందున అనారోగ్యం పాలవుతున్నారన్నారు.

స్థానిక 24 ఏరియాలో ఉన్న ఆఫీసర్స్ క్లబ్ లోని స్విమ్మింగ్ పూల్ ను ఉపయోగించుకొనుటకు ఉత్సాహవంతులైన ఉద్యోగులకు, వారి పిల్లలు ఈ  అవకాశాన్ని ఉపయోగించుకొవలని తెలిపారు. ఈ కార్యక్రమంలో డిజియం (పర్సనల్) జి.వి.మోహన్ రావు, డీ.జి. యం (సివిల్) రవి కుమార్, యం.వి.టి సి మేనేజర్ మహేష్, సి.యం. ఓ.ఏ నుంచి బి. నాగేశ్వరావు, గుర్తింపు సంఘం నుంచి నజీర్ అహ్మద్ ప్రాతినిధ్య సంఘం నుంచి జే వెంకటేశ్వర్లు, శిక్షకుడు శ్రీకాంత్ తదితరులు పాల్గొనారు.