ఇల్లెందు,(విజయక్రాంతి): భద్రాద్రి కొత్తగూడెం ఇల్లందు ఏరియాలోని సిహెచ్ఎన్ పి నందు సోమవారం ఆత్మీయ అభినందన సభ నిర్వహించారు. ఈ కార్యక్రమానికి సి.హెచ్.పి ఇన్ఛార్జ్ క్రిస్టఫర్ అధ్యక్షత వహించారు. ముఖ్య అతిధిగా హాజరైన ఏరియా జిఎం జాన్ ఆనంద్ మాట్లాడుతూ ఇల్లందు ఏరియా ఉత్పత్తి సాధించడంలో సీహెచ్పీ ఉద్యోగులు కీలక పాత్రను పోషించారని, ఏరియా నుంచి రైలు మార్గం ద్వారా రవాణా చేస్తున్న బొగ్గును సరైన సమయనికి లోడింగ్ అందించి ఏరియా ముందంజలో నిలుపుటకు కృషి చేస్తున్నారని, ఉద్యోగులు భద్రతపరమైన అన్ని  అంశాలను పాటిస్తూ ఎటువంటి  ప్రమాదాలు లేకుండా రక్షణ సూత్రాలను పాటిస్తూ పనిచేస్తున్నారని, ప్రతి ఉద్యోగి సేఫ్టీ ఆపరేటింగ్, కోడ్ అఫ్ ప్రాక్టీసు, లాగ్ అవుట్ ట్యాగ్ అవుట్ సిస్టం పాటిస్తూ పనిచేస్తున్నారని  వారిని ప్రత్యేకంగా అభినందించారు. ఈ కార్యక్రమంలో ఏరియా ఇంజనీర్ నరసింహ రాజు, గుర్తింపు సంఘం  బ్రాంచ్ కార్యదర్శి నజీర్ అహ్మద్,  ప్రాతినిధ్యసంఘం ఉపాధ్యక్షుడు జె.వెంకటేశ్వర్లు  ఇతర అధికారులు మరియు ఉద్యోగులు పాల్గొన్నారు.