ముంబై: అమెరికాలో వాణిజ్య ఉద్రిక్తతలు(Trade tensions) తీవ్రతరం కావడం, పెరుగుతున్న మాంద్యం ఆందోళనల కారణంగా ప్రపంచ మార్కెట్ పతనం(Global stock markets crash) ఆజ్యం పోసిన తరువాత, భారతీయ బెంచ్‌మార్క్ సూచీలు, సెన్సెక్స్(BSE Sensex), నిఫ్టీ సోమవారం భారీ నష్టాలతో ప్రారంభమయ్యాయి. ఫలితంగా, అన్ని బీఎస్ఈ(BSE)లిస్టెడ్ కంపెనీల మొత్తం మార్కెట్ క్యాపిటలైజేషన్ రూ.19.4 లక్షల కోట్లు తగ్గి రూ.383.95 లక్షల కోట్లకు పడిపోయింది. అమెరికా అధ్యక్షుడు డొనాల్డ్ ట్రంప్ టారిఫ్ ల ప్రకటన నేపథ్యంలో స్టాక్ మార్కెట్లు కుదేలయ్యాయి. ఆసియా మార్కెట్లతో పాటు దేశీయ స్టాక్ మార్కెట్లు పతనం అయ్యాయి. 2008 తర్వాత ఆసియా మార్కెట్లు భారీగా పతనం అయ్యాయి.

స్టాక్ మార్కెట్లు కుప్పకూలాయి

భారతీయ స్టాక్ మార్కెట్లు(Stock Market) ప్రస్తుతం సెన్సెక్స్ 2700 పాయింట్లకు పైగా నష్టంతో కొనసాగుతోంది. ప్రారంభ ట్రేడింగ్ లో 2,700 పాయింట్లకుపైగా నష్టపోయాయి. మూడున్నర శాతానికి పైగా సెన్సెక్స్ నష్టపోయింది. ప్రారంభ ట్రేడింగ్ లో నిఫ్టీ-50, 900 పాయింట్లకుపైగా నష్టపోయింది. సెన్సెక్స్, నిఫ్టీ పది నెలల కనిష్ఠ స్థాయికి పడిపోయాయి. 2020 మార్చి తర్వాత నిఫ్టీ అతి భారీ పతనం ఇది కావడం విశేషం. అన్ని ప్రధాన రంగాలు ప్రతికూలంగా ముగిశాయి. నిఫ్టీ మెటల్ 8శాతం, నిఫ్టీ ఐటీ 7శాతం పైగా పడిపోయాయి. నిఫ్టీ ఆటో, రియాల్టీ,  ఆయిల్ అండ్ గ్యాస్ ఒక్కొక్కటి 5శాతం కంటే ఎక్కువ పడిపోయాయి. విస్తృత మార్కెట్లో, స్మాల్-క్యాప్ ఇండెక్స్ 10శాతం పడిపోయింది. మిడ్-క్యాప్ ఇండెక్స్ 7.3శాతం క్షీణించింది.