జగిత్యాల,ఆగస్టు 25(విజయక్రాంతి): ఓ మహిళకు పురిటి నొప్పులు రావడంతో మాజీ సర్పంచ్ వైనమిది పాతకాలం పద్ధతిలో ఇంట్లోనే ప్రసవం చేయించి బిడ్డకు పురుడుపోసింది. వివరాల్లోకి వెళ్లితే... జగిత్యాల జిల్లా మేడిపల్లి మండలం రాగోజీపేట గ్రామానికి చెందిన  కల్లెం కోమలత అనే మహిళకు శనివారం రాత్రి పురిటినొప్పిలు వచ్చాయి. గత రెండు రోజుల‌ క్రితం ఆస్పత్రికి తీసుకెళ్లగా ఇంకా సమయం ఉందని చెప్పటంతో ఇంటికి వచ్చారు. అదే సాయంత్రం సమయంలో ఒక్కసారిగా పురిటినొప్పులు రావటంతోపాటు మరోవైపు విపరీతమైన వర్షం ఉండటంతో మాజీ సర్పంచ్ ఓ వైపు బాలసాని లహరికకు చెప్పి, మరో వైపు అంబులెన్స్ వారికి సమాచారం అందించారు. నొప్పులు ఎక్కువ రావటంతో ప్రసవం చేసింది. పండంటి మగ బిడ్డ జన్మించారు. అంతలోపు అంబులెన్స్ కు సమాచారం అందించటంతో అంబులెన్స్ సిబ్బంది వచ్చి తల్లీబిడ్డలను అసుపత్రికి తరలించారు.