తుంగతుర్తి జనవరి 30 ః సూర్యాపేట జిల్లా తుంగతుర్తి మండలం అన్నారం గ్రామంలో తాటిచెట్టుపై నుండి కింద పడి గీత కార్మికుడు మృతిచెందిన సంఘటన గురువారం చోటుచేసుకుంది. బంధువులు తెలిపిన వివరాల ప్రకారం.. అన్నారం గ్రామానికి చెందిన తండ రాజయ్య (43) వృత్తిరీత్యా రోజువారీగా తాటి చెట్టు ఎక్కి కళ్ళు గీసేవాడు.

ఈ క్రమంలో సాయంత్రం కల్లు గీస్తుండగా ప్రమాదవశాత్తు కింద పడడంతో అక్కడికక్కడే మృతి చెందాడు. కుటుంబ సభ్యుల ఫిర్యాదు మేరకు సంఘ టన స్థలానికి పోలీసులు చేరుకొని, మృత దేహాన్ని పోస్టుమార్టం నిమిత్తం ప్రభుత్వ దవాఖానకు తరలించినట్లు  తెలిపారు.