కూకట్‌పల్లి, నవంబర్ 5: గంజాయి రవాణా చేస్తున్న ఓ వ్యక్తిని కూకట్‌పల్లి పోలీసులు అరెస్ట్ చేసి రిమాండ్‌కు తరలించారు. పోలీసులు తెలిపిన వివరాలు.. ఏపీ విశాఖపట్నానికి చెందిన రాజు.. గత కొన్నినెలలుగా హైదరాబాద్ నగరంలో గంజాయి విక్రయాలు చేపడుతున్నాడు. ఈ క్రమంలో కూకట్‌పల్లి ప్రభుత్వ జూనియర్ కళాశాల బస్టాప్ సమీపంలో గంజాయి విక్రయిస్తుండగా సమాచారం అందుకున్న కూకట్‌పల్లి పోలీ సులు దాడిచేసి అతడి వద్ద నుంచి 2.3 కిలోల గంజాయిని స్వాధీనం చేసుకున్నారు. నిందితుడిని పోలీస్ స్టేషన్‌కు తరలించారు. నిందితుడు ఇదివరకే జీడిమెట్ల పోలీస్ స్టేషన్ పరిధిలో గంజాయి కేసులో జైలుకు వెళ్లి వచ్చినట్లు విచారణలో తేలింది.