గజ్వేల్, జూన్ 29: అక్రమంగా గంజా యి విక్రయిస్తున్న ముగ్గురు వ్యక్తులను గజ్వేల్ పోలీసులు శనివారం అరెస్టు చేశారు. గజ్వేల్ పట్టణంలోని పిడిచెడ్ రోడ్డులో గంజాయి విక్రయిస్తున్న టంగుటూరి శివానంద్‌ను సీఐ సైదా, అడీషనల్ సీఐ ముత్యంరాజు, సిద్దిపేట టాస్క్‌ఫోర్స్ అధికారులు పట్టుకున్నారు. అతని వద్ద నుంచి 120 గ్రాముల గంజాయి స్వాధీనం చేసుకున్నారు. నిందితుడు ఇచ్చిన సమాచారం మేరకు హైద్రాబాద్‌కు చెందిన మరో ఇద్దరు నిందితులు కుల్దీప్‌సింగ్, అనిత్ భాయ్‌లను కూడా అదుపులోకి తీసుకున్నారు. వారి వద్ద నుంచి 210 గ్రాముల గంజాయిని స్వాధీనం చేసుకున్నారు. ముగ్గురు నిందితులను అరెస్టు చేసి జ్యుడీషియల్ రిమాండ్‌కు తరలించారు.