ఐదుగురు  విద్యార్థులకు గాయాలు 

ఖమ్మం, నవంబర్ 27 (విజయక్రాంతి): ఖమ్మం ఎన్టీఆర్ సర్కిల్ సమీపంలోని ఎస్సీ బాలుర కళాశాల వసతీ గృహంలో బుధవారం గ్యాంగ్‌వార్ జరిగి, ఐదుగురు విద్యార్థు లకు తీవ్ర గాయాలైనట్లు సమాచారం. ఎస్‌ఆర్‌బీజీఎన్‌ఆర్ డిగ్రీ కళాశాలలో సెకండియర్ చదువుతున్న వైరా మండలం కొండకొడిమ గ్రామానికి చెందిన వేణు అనే విద్యార్థి మంగళవారం రాత్రి బయటకు వెళ్లి ఆలస్యం గా హాస్టల్‌కు వచ్చాడు.

దీనికి సీనియర్ విద్యార్థులు అభ్యంతరం చెప్పడంతో ఇరువురి మధ్య గొడవ ముదిరింది. దీంతో సీనియర్లు వేణు ను తీవ్రంగా కొట్టారు. వేణు తన స్వగ్రామానికి వెళ్లి కొందరితో బుధవారం హాస్టల్‌కు వెళ్లి సీనియర్లతో గొడవ పడి కొట్టుకున్నారు. ఈ ఘటనలో అయిదుగురు సీనియర్ విద్యా ర్థులకు తీవ్ర గాయాలైనట్లు తెలిసింది. ఇదంతా జరుగుతున్న క్రమం లో హాస్టల్ వార్డెన్, వాచ్‌మెన్ లేనట్లు తెలుస్తోంది. పోలీసులకు కూడా ఫిర్యాదు అందినట్టు సమాచారం.