కడియపు లంక: డ్రోన్ తో బాల గణపతి  నిమజ్జనం సోషల్ మీడియాలో వైరల్ అవుతోంది. తూర్పు గోదావరి జిల్లా కడియపు లంక గ్రామంలో పలువురు చిన్నారులు బాల గణపతి విగ్రహాన్ని ఏర్పాటు చేసి తొమ్మిది రోజుల పాటు పూజలు చేశారు. అనంతరం కడియపు లంకలో స్నానాల రేవుకు నిమజ్జనం కోసం బాల గణనాథున్నితీసుకెళ్లారు. ఈ నేపథ్యంలో కడియపు లంకలో స్నానాల రేవుకు చిన్నారులను భద్రత కారణాల రిత్యా అనుమతించేది లేదని పోలీసు అధికారులు స్పష్టం చేశారు. దీంతో చిన్నబోకుండా ఆ పసి వాళ్లు తమ మెదడుకు పదను పెట్టి వినూత్నంగా డ్రోన్ తో బాల గణపతి  నిమజ్జనం చెయ్యాలని నిర్ణయించారు. ఈ మేరకు డ్రోన్ నిపుణుడి సహాయంతో నిమజ్జన కార్యక్రమం చేపట్టారు. గణేషుడి విసర్జన కార్యక్రమంలో చిన్నారులు కేరింతలు కొట్టి సంతోషాన్ని వ్యక్తం చేశారు.