లక్షేట్టిపేట (విజయక్రాంతి): మండల అంబేద్కర్ యువజన సంఘం ఆధ్వర్యంలో శుక్రవారం స్థానిక అంబేద్కర్ విజ్ఞాన మందిరంలో గద్దర్ జయంతి వేడుకలను ఘనంగా నిర్వహించారు. ఈ సందర్భంగా సంఘం నాయకులు కేక్ కట్ చేసి గద్దర్ సేవలను కొనియాడారు. అనంతరం అంబేద్కర్ సంఘం మండలాధ్యక్షుడు ముల్కల రాందాస్ మాట్లాడుతూ... ప్రజా నౌకగా పేరొంది ఎన్నో సామాజిక ఉద్యమాలకు గద్దర్ పునాదిగా నిలిచాడన్నారు. ముఖ్యంగా సమాజంలో అణగారిన వర్గాల హక్కుల సాధనకు మార్గనిర్దేశకుడిగా నిలిచి ప్రజల గుండెల్లో చిరస్థాయిగా, అమరుడిగా నిలిచాడని కొనియాడారు. తెలంగాణ ఉద్యమంలో తన ఆట, పాటలతో సమాజాన్ని చైతన్య పరిచిన మహనీయుడు గద్దర్ అని ఆయన సేవలను గుర్తు చేసుకున్నారు. తన దేశంలో ప్రజలందరికీ సరైన న్యాయం జరిగేవరకు పోరాటాలు తప్పవని గొంతెత్తిన ధీరుడన్నారు. ఈ కార్యక్రమంలో ప్రధాన కార్యదర్శి భైరం రవి, నాయకులు గరిసే రవి, పెండెం సత్తన్న, చుంచు రమేష్, అడ్లూరి దేవేందర్, ప్రేమ్ సాగర్, రాజన్న, శ్రీధర్, శ్రీనివాస్ తదితరులు పాల్గొన్నారు.