రిలయన్స్‌కు దుబాయి చిన్నారుల ఆఫర్

దుబాయి: ఇటీవల తీవ్ర చర్చకు దారితీసిన జియో హాట్‌స్టార్) డొమైన్ వ్యవహారం మరో కొత్త మలుపు తీసుకుంది. ఈ డొమైన్‌ను తొలుత ఓ యాప్ డెవలపర్ తన పేరు తో రిజిస్టర్ చేసుకోగా.. తర్వాత అది యూఏఈకి చెందిన ఇద్దరు చిన్నారుల చేతికి వెళ్లిన సంగతి తెలిసిందే. తాజాగా ఆ అన్నాచెల్లెళ్లు దీనిపై కీలక ప్రకటన చేశారు. తాము కొనుగోలు చేసిన జియో హాట్స్టార్ డొమైన్ను రిలయన్స్ కు ఉచితంగా ఇస్తామంటూ ఆఫర్ ఇచ్చారు. ఈ మేరకు వెబ్‌సైట్‌లో రాసుకొచ్చారు. ‘మాపై ఎలాంటి ఒత్తిడి లేదు. మా ఇష్టపూర్వకంగానే చెబుతున్నాం’అని ఆ చిన్నారులు పేర్కొన్నారు. అయితే, దీనిపై రిలయన్స్ ఇంకా స్పందించలేదు.