ఆదిలాబాద్‌లో పట్టభద్రులతో మాట్లాడుతున్న నరేందర్‌రెడ్డి

అల్ఫోర్స్ విద్యాసంస్థల అధినేత నరేందర్‌రెడ్డి 

ఆదిలాబాద్, నవంబర్ 13 (విజయక్రాంతి): ఆదిలాబాద్ జిల్లాలో పోటీ పరీక్షల కు సన్నద్ధమవుతున్న నిరుద్యోగ యువతకు స్టడీ మెటీరియల్‌తో రూపొందించిన ప్రత్యేక యాప్‌ను ఉచితంగా అందిస్తున్నానని అల్ఫో ర్స్ విద్యాసంస్థల అధినేత వీ నరేందర్‌రెడ్డి స్పష్టం చేశారు. వీఎన్‌ఆర్ ఈ e-CLASSES) ద్వా రా ఆన్‌లైన్‌లో వీడియో క్లాసెస్, టెస్ట్ పేపర్లు, స్టడీ మెటీరియల్‌ను అందుబాటులో ఉన్నాయని, నిరుద్యోగ యువత ఈ అవకాశాన్ని సద్వినియోగం చేసుకోవాలని సూచించారు.

బుధవారం ఆదిలాబాద్ జిల్లా కేంద్రంలో ప్రైవేటు, ప్రభుత్వ పాఠశాలలతో పాటు గ్రంథాలయంలో పట్టభద్రులను, ఉపాధ్యాయులను కలిశారు. ఎమ్మెల్సీ ఎన్నికల్లో తనను గెలిపించాలని కోరారు. తాను గెలిస్తే నిరుద్యోగ యువతకు ఉద్యోగాల కల్పనలో భాగస్వా మ్యం అవుతానన్నారు. కాంగ్రెస్ పార్టీ ఎన్నికల మేనిఫెస్టోలో ప్రవేశపెట్టిన జాబ్ క్యాలెం డర్‌ను అమలు చేసే విధంగా కృషి చేస్తానని హామీ ఇచ్చారు. ఎన్నికల్లో మొదటి ప్రాధాన్యత ఓటు వేసి గెలిపించాలని కోరారు.