సల్పంగా దెబ్బతిన్న సండ్ర కారు..

ఖమ్మం (విజయక్రాంతి): బీఆర్‌ఎస్ జిల్లా నాయకులు, సత్తుపల్లి మాజీ శాసన సభ్యులు సండ్ర వెంకటవీరయ్యకు తృటిలో పెను ప్రమాదం తప్పింది. ఆయన ప్రయాణిస్తున్న కారును వెనుకాల నుంచి మరో కారు ఢీకొనడంతో ప్రమాదం జరిగింది. సండ్ర కారు స్వల్పంగా దెబ్బతిన్నది. ఖమ్మంలోని తెలంగాణ భవన్‌లో ప్రెస్‌మీట్ ముగించుకుని తిరిగి కారులో సత్తుపల్లి వెళుతున్న క్రమంలో వైరా సమీపంలోని శాంతి నగర్ వద్ద ఆయన కారును వెనుకాల నుంచి వచ్చిన కారు వేగంగా వచ్చి ఢీకొట్టింది. దీంతో సండ్ర కారు డ్రైవర్ చాకచక్యంతో కారును జాగ్రత్తగా పక్కకు ఆపడంతో సండ్ర ప్రమాదం నుంచి క్షేమంగా బయటపడ్డారు. దీంతో ఆయన తిరిగి తన కారులోనే సత్తుపల్లి వెళ్ళిపోయారు.