పూజా హెగ్డే సినీ పరిశ్రమకు కొంతకాలంగా దూరంగా ఉంటున్నారు. వరుస ఫెయిల్యూర్స్ తరువాత ఆమెకు అవకాశాలు తగ్గిపోయాయి. ఇటీవలే తిరిగి బాలీవుడ్‌లో అవకాశాలు అందుకున్నారు. ఈ క్రమంలోనే పూజా టాలీవుడ్‌కు దూరమైపోయారంటూ టాక్ వినిపించింది. అయితే పూజా తెలుగులోనూ ఓ సినిమా చేయనున్నారట. బోగవల్లి ప్రసాద్ దర్శకత్వంలో నాగ చైతన్య హీరోగా ఈ సినిమా తెరకెక్కనుందని సమాచారం. ఈ సినిమాలో పూజా కథానాయిక పాత్ర పోషించనున్నారట.

ఆమెతో చిత్రబృంందం మంతనాలు జరుపుతోందట. ఈ సినిమాకు కార్తీక్ వర్మ దండు దర్శకత్వం వహించనున్నారు. ఈ సినిమా పూజకు మంచి కమ్ బ్యాక్ అవుతుందని అంతా భావిస్తున్నారు. థ్రిల్లర్ జానర్‌లో ఈ చిత్రం రూపొందనుందట. ఈ జానర్‌లో పూజా సినిమా చేయడం ఇదే తొలిసారి. నాగ చైతన్య, పూజా హెగ్డే జంటగా 2014లో ‘ఒక లైలా కోసం’ అనే మూవీ వచ్చింది. ఆ సినిమాలో వారిద్దరి కెమెస్ట్రీ బాగా వర్కవుట్ అయ్యిందంటూ ప్రశంసలొచ్చాయి. ఇప్పుడు మరోసారి జత కట్టబోతున్నారనే వార్త సినిమాకు హైప్ ఇస్తోంది.