పిల్లలు ఎదుగుతున్న క్రమంలో వారి ఆసక్తులు, అభిరుచులను గుర్తించి ప్రోత్సహించాల్సిన బాధ్యత తల్లిదండ్రులదే. నిరంతరం కొత్త విషయాలు నేర్చుకుంటే చిన్నారులు చురుగ్గా మారతారు. అందుకేం చేయాలంటే..

చాలామంది తల్లిదండ్రులు పిల్లల చేతులకు కనీసం మట్టి అంటకుండా పెంచుతుంటారు. బయటకు వెళ్లొద్దని నియమాలు పెడుతుంటారు. దీంతో వారు నాలుగు గోడల మధ్య ఉండి.. నిస్సత్తువగా, బద్ధకంగా మారే అవకాశం ఉంది. ఇలా కాకుండా వారిని ఆరు బయట, చుట్టుపక్కల పిల్లలతో ఆడుకోమని ప్రోత్సహించాలి. శారీరక శ్రమ ఉంటేనే పిల్లలు ఉత్సాహంగా ఉంటారు. ఎవరితో ఎలా ప్రవర్తించాలనేది తెలుస్తుంది.

అప్పుడప్పుడే బయటి ప్రపంచాన్ని చూస్తున్న పిల్లలు అనేక రకాల ప్రశ్నలు అడుగుతుంటారు. ఆ సమయంలో వారిని విసుక్కోకుండా అడిగిన ప్రశ్నలకు ఓపిగ్గా సమాధానాలు చెప్పాలి. ఇలా చేస్తేనే వారిలో ఊహాశక్తి, సామర్థ్యాలు మెరుగుపడతాయి.

ఖాళీ సమయాల్లో పిల్ల లను పార్కులు, పంట పొలాలు, తోటలకు తీసుకెళ్తే.. ప్రకృతిపై అవగాహన పెరిగే అవకాశం ఉంటుంది. మొక్కలు, చెట్ల రకాలు, అవి పెరిగే విధానం, ఫలాల గురించి చెప్పాలి. కొత్త విషయాలు నేర్చుకోవాలనే ఆసక్తిని పెంచాలి.

పజిల్స్ పూరించడం, రూబిక్స్ క్యూబ్ సాల్వ్ చే యడం వంటి వ్యాపకాలను పిల్లలకు అలవాటు చే యాలి. వీటి ద్వారా మెదడు పనితీరు మెరుగుపడి, వారి మానసిక ఎదుగుదలకు దోహదం చేస్తాయి.