దూసుకుపోతున్న పవన్

మన మట్టిలో పుట్టిన ఆట చూస్తే వచ్చే మజానే వేరు కదూ. అందునా మన తెలుగు తొడగొడుతుంటే వచ్చే కిక్కు వేరే లెవల్. 

స్పోర్ట్స్ డెస్క్: పీకేఎల్-11వ సీజన్ మ్యాచ్‌లు కనుల పండువగా సాగుతున్నాయి. మన తెలుగు టైటాన్స్ జట్టు కూడా మునుపటి సీజన్ కంటే మెరుగ్గా ఆడుతోంది. కొన్ని మ్యాచుల్లో ఓడినా కానీ అభిమానుల మనసులను మాత్రం గెల్చుకుంది. మరీ ముఖ్యంగా మన కెప్టెన్ హైఫ్లయర్ పవన్ షెరావత్ దుమ్మురేపుతున్నాడు.

ఇప్పటి వరకు ఈ సీజన్‌లో 4 సూపర్ టెన్‌లు సాధించిన పవన్ 65 రెయిడ్ పాయింట్లతో తొలి స్థానంలో కొనసాగుతున్నాడు. దబంగ్ ఢిల్లీకి చెందిన అషూ మాలిక్ 64 రెయిడ్ పాయింట్లతో కొనసాగుతున్నాడు. స్వతహాగా రెయిడర్ అయిన పవన్ ట్యాక్లింగ్‌లో కూడా సత్తా చాటుతున్నాడు.

ఇప్పటి వరకు రెండు ట్యాకిల్ పాయింట్లు సాధించి మొత్తంగా 67 పాయింట్లతో తొలిస్థానంలో కొనసాగుతున్నాడు. ఇక తెలుగు టైటాన్స్ ఆరు మ్యాచుల్లో మూడు విజయాలు, మూడు పరాజయాలతో ఐదో స్థానంలో కొనసాగుతోంది.