బిడ్డను వేధింపులకు గురి చేసిన అల్లుని హత్య...

కామారెడ్డి (విజయక్రాంతి): తన బిడ్డను వేధింపులకు గురిచేసిన అల్లుడ్ని పథకం ప్రకారం హత్య చేసిన కేసులో ఐదుగురిని అరెస్టు చేసి రిమాండ్ కు తరలించినట్లు కామారెడ్డి ఏఎస్పీ చైతన్య రెడ్డి తెలిపారు. సోమవారం రాత్రి వ్యక్తి హత్య కేసులో అరెస్టు చేసిన నిందితుల వివరాలను హత్య కేసు వివరాలను వెల్లడించారు. ఈనెల 21.01.2025 రోజున రాజన్న సిరిసిల్ల జిల్లా గంభీరావుపేట మండలం లింగన్నపేట గ్రామానికి చెందిన బోదాసు నర్సింలు మాచారెడ్డి పోలీస్ స్టేషన్ లో ఇచ్చిన ఫిర్యాదు ప్రకారం కేసు నమోదు చేసినా విషయం ఏమనగా తన కొడుకు అయిన బోదాసు స్వామి యెల్లంపేట్ గ్రామము, మాచారెడ్డి మండలంనకు చెందిన బోదాసు నందిని @మమతతో 5 సం..రాల క్రితం వివాహం చేసుకోగా గత 5 నెలల క్రితం తన కోడలు తన కొడుకుతో గొడవపడి కోడలు యొక్క తల్లి గారింటికి వెళ్ళిపోయిందని తెలిపారు.

అల్లుడు బోదాసు స్వామి తన కూతురు నందినిని వదిలెసాడని కోపంతో మామ ఎల్లయ్య, అతని పెద్దల్లుడు పెనుగొండ సాయిలు, అతని కొడుకు తిరుపతి, అతని కూతురు నందిని, అతని తమ్ముడి కొడుకు నితిన్ లు కలిసి వారు ముందుగానే వేసుకున్న పథకం ప్రకారం తేదీ 21.01.2025 నాడు మద్యాహ్నం 2 గంటల సమయంలో ఓ హోటల్ సమీపములో బోదాసు స్వామి, అతని తండ్రి కలిసి బైక్ పై వెళ్తుండగా వారిని అడ్డుకుని బూతు మాటలు తిడుతూ, నర్సయ్యను చేతులతో కొట్టి కింద త్రోసేసి స్వామిని వారు ముందుగానే తెచ్చుకున్న కర్రలతో కొట్టి వారి యొక్క కారు నెంబర్ TS 17 G 6665 గల దానిలో ఎక్కించుకొని ఎల్లంపేట్ తీసుకెళ్లి చంపాలనే ఉద్దేశ్యంతో తీవ్రంగా కొట్టగా అతను గాయాలతో ఆసుపత్రిలో చికిత్స పొందుతూ మరణించాడు. ఇట్టి కేసులో S.P. కామారెడ్డి ఉత్తర్వుల మేరకు A.S.P. కామారెడ్డి టీమ్ ను ఏర్పాటు చేసి దర్యాప్తు వేగవంతంగా చేసి పరారీలో ఉన్న అయిదుగురు నిందితులను పట్టుకొని A1-కుంచం ఎల్లయ్య,  A2-పెనుగొండ సాయిలు,  A3- కుంచం తిరుపతి,  A4- బోదాసు నందిని @కుంచం మమత, A5- కుంచం నితిన్ లు వారు చేసిన నేరాన్ని ఒప్పుకున్నారు. అట్టి అయిదుగురు నిందితులను అరెస్టు చేసి వారి వద్ద నుండి 6 మొబైల్ ఫోన్ లు, మూడు బైకులు, ఒక కారు, ఒక బంగారు ఉంగరం ఒక పర్సు స్వాధీనపర్చుకొనైనది. ఇట్టి కేసు దర్యాప్తులో పాల్గొని మర్డర్ కేసుని చేధించిన కామారెడ్డి రూరల్ సీ.ఐ. రామన్, మాచారెడ్డి ఎస్సై S.అనిల్, PCs సిద్దిరాములు, శ్రీకాంత్, గంగాధర్, నర్సింలు, పి‌ఎస్  సిబ్బందిని జిల్లా ఎస్పీ సింధు శర్మ, కామారెడ్డి సబ్ డివిజనల్ పోలీసు అధికారి చైతన్య రెడ్డి అభినందించారు.