హైదరాబాద్ సిటీబ్యూరో, నవంబర్ 21 (విజయక్రాంతి): ప్రపంచ మత్స్యకార దినోత్సవాన్ని పురస్కరించుకొని తెలంగాణ ఫిషరీస్ ఫెడరేషన్ చైర్మన్ మెట్టు సాయికుమార్ ఆధ్వర్యంలో గురువారం హైదరాబా ద్‌లోని అంబేద్కర్ గ్రౌండ్ వద్ద ‘ఫిష్ ఫుడ్ ఫెస్టివల్’ నిర్వహించారు. అసెంబ్లీ స్పీకర్ గడ్డం ప్రసాద్ కుమార్ కార్యక్రమానికి హాజ రై జ్యోతి ప్రజ్వలన చేసి, ఫిష్ ఫుడ్ ఫెస్టివల్ స్టాల్స్‌ను ప్రారంభించారు.

గౌరవ అతిథులుగా ఆలిండియా ఫిషర్‌మెన్ కాంగ్రెస్ జాతీయ చైర్మన్ అర్మస్ట్రాంగ్ ఫెర్నాండో, ముఖ్య అతిథులుగా ఖైరతాబాద్ ఎమ్మెల్యే దానం నాగేందర్, రాజ్యసభ సభ్యులు అనిల్ కుమార్ యాదవ్, సీనియర్ కాంగ్రెస్ నేత, మాజీ పీసీసీ అధ్యక్షుడు హన్మంతరావు, టూరిజం డెవలప్ మెంట్ కార్పొరేషన్ చైర్మన్ పటేల్ రమేశ్ రెడ్డి, సీడ్స్ డెవలప్‌మెంట్ కార్పొరేషన్ చైర్మన్ అన్వేశ్ రెడ్డి, తెలంగాణ ఇండస్ట్రీయల్ ఇన్ఫ్రాస్ట్రక్చర్ కార్పొరేషన్ చైర్మన్ నిర్మల జగ్గారెడ్డి, ఎస్టీ కార్పొరేషన్ చైర్మన్ బెల్లయ్య నాయక్, ఎస్సీ కార్పొరేషన్ చైర్మన్ ప్రీతం నాగరికరీ, ఎంబీసీ కార్పొరేషన్ చైర్మన్ జెరిపేటి జైపాల్, దివ్యాంగుల కార్పొరేషన్ చైర్మన్ ముత్తినేని వీరయ్యతో పాటు పలువురు కార్పొరేషన్ చైర్మన్లు హాజరయ్యారు.

ఈ సందర్భంగా తెలంగాణలోని పలువురు మత్స్యకారులకు ప్రము ఖల చేతుల మీదుగా ఉత్తమ సేవాపత్రాలను అందజేశారు. దీంతో పాటు ఉత్తమ సేవలు అందించినందుకుగానూ రాష్ర్ట మత్స్యశాఖ ఉన్నత అధికారులకు ప్రముఖుల చేతుల మీదుగా  ప్రశంస పత్రాలు ఇచ్చారు.