విశాఖ: కోర్బా నుంచి విశాఖ వచ్చిన ఎక్స్ ప్రెస్స్ రైలులో ఆదివారం అగ్నిప్రమాదం సంభవించింది. మూడు ఏపీ బోగీల్లో మంటలు అంటుకున్నాయి. రైలులో చెలరేగిన మంటలను అగ్నిమాపక సిబ్బంది అదుపులోకి తీసుకొచ్చారు. ఉదయం 6 గంటలకు కోర్బా నుంచి రైలు విశాఖకు వచ్చింది, నాలుగో ప్లాట్ ఫారంపై ఉన్న రైలులోని బి-7 బోగీలో మంటలు అంటుకున్నాయి. బి-7 బోగీ నుంచి  బీ-6, ఎం-1 బోగీలకు మంటలు వ్యాపించాయి. రైలులో మంటలు చెలరేగి బి-6, బి7, ఎం-1 బోగీలు దగ్ధం అయ్యాయి. దగ్ధమైన బోగీలను రైలు నుంచి విడదీసి పంపేందుకు ప్రయత్నాలు  జరిగాయి. అగ్నిప్రమాదానికి షార్ట్ సర్క్యూట్ కారణమని రైల్వే సిబ్బంది భావిస్తున్నారు. ప్రయాణికులెవరూ లేకపోవడంతో పెను ప్రమాదం తప్పిందని అధికారులు వెల్లడించారు.