ముంబయి: ముంబయిలోని తూర్పు శివారు ప్రాంతమైన ఘట్‌కోపర్‌ (తూర్పు)లోని నాలుగు అంతస్తుల వాణిజ్య భవనంలో శుక్రవారం ఉదయం అగ్నిప్రమాదం(Fire breaks out) సంభవించిందని, మంటలను అదుపు చేసేందుకు ఆపరేషన్‌ కొనసాగుతోందని అధికారి తెలిపారు. ఆర్ ఎన్ భట్కర్ మార్గ్‌లోని ఓడియన్ మాల్ ఎదురుగా ఉన్నకైలాస్ ప్లాజా భవనం(Kailash Plaza Building)లోని 3వ, 4వ అంతస్తుల్లో ఉదయం 6.15 గంటల ప్రాంతంలో మంటలు చెలరేగాయని అధికారి తెలిపారు.

"ఎవరికీ ఎటువంటి గాయాలు అయినట్లు నివేదిక లేదు" అని పౌర అధికారి తెలిపారు. ముంబై అగ్నిమాపక దళం(Mumbai Fire Brigade) మంటలను ఆర్పడానికి ఆపరేషన్ ప్రారంభించిందని, మంటలు అన్ని వైపుల నుండి వ్యాపించాయని అధికారి తెలిపారు. పోలీసు సిబ్బంది, స్థానిక సివిల్ వార్డ్ సిబ్బంది, ఆ ప్రాంతంలోని విద్యుత్ పంపిణీ సంస్థ ఉద్యోగులు, అంబులెన్స్‌లను కూడా సంఘటనా స్థలానికి సమీకరించామని, అగ్నిప్రమాదానికి గల కారణాలు ఇంకా తెలియాల్సి ఉందని ఆయన చెప్పారు.