కారు దగ్ధం, ఇద్దరు చిన్నారులకు తీవ్ర గాయాలు

కాప్రా,(విజయక్రాంతి) : చర్లపల్లి డివిజన్ పరిధిలోని వెంకటరెడ్డి నగర్లో శుక్రవారం రాత్రి పార్కు చేసి ఉన్న కారులో అకస్మాత్తుగా మంటలు చెలరేగి అగ్నిప్రమాదం జరిగింది. ఈ ప్రమాదంలో అదే కాలనీకి చెందిన ఇద్దరు చిన్నారులు జశ్విత(4), మహేశ్వరి(6) తీవ్రంగా గాయపడ్డారు. వెంటనే స్థానికులు చర్లపల్లి  ఫైర్ స్టేషన్ అధికారులు, చల్లపల్లి పోలీసులకు సమాచారం అందించారు. దీంతో సంఘటన చేరుకున్న పోలీసులు, ఫైర్ స్టేషన్ సిబ్బంది మంటలను అదుపులోకి తీసుకొచ్చారు. విషయం తెలుసుకున్న స్థానిక కార్పొరేటర్ బొంతు శ్రీదేవి యాదవ్ వెంటనే సంఘటనా స్థలానికి చేరుకొని చిన్నారుల పరామర్శించి, చికిత్స నిమిత్తం నగరంలోని ఉస్మానియా ఆసుపత్రికి తరలించారు. జరిగిన సంఘటనపై స్థానికులను వివరాలు అడిగి తెలుసుకున్నారు. పండుగ పూట ఇలాంటి సంఘటన జరగడం విచారకరమని ఆమె ఆవేదన వ్యక్తం చేశారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.