పటాకులు పడి ఫర్నిచర్ షోరూమ్ దగ్ధం 

ఎల్బీనగర్: చైతన్యపురి మెట్రో స్టేషన్ సమీపంలో శుక్రవారం తెల్లవారుజామున రెండు గంటలకు అగ్ని ప్రమాదం చోటుచేసుకుంది. ఈస్ట్ వుడ్ ఫర్నిచర్ దుకాణంలో అకస్మాత్తుగా మంటలు వ్యాపించాయి. స్థానికుల సమాచారంతో ఫైర్ స్టేషన్ సిబ్బంది ఘటనా స్థలానికి చేరుకున్నారు. ఫైర్ ఆఫీసర్ శ్రీనివాస్ ఆధ్వర్యంలో ఫైర్ సిబ్బంది మంటలను ఆర్పారు. దీపావళి రోజున గురువారం రాత్రి స్థానికులు పటాకులు కాల్చే సమయంలో నిప్పు రవ్వలు షోరూమ్ లో పడడంతో అగ్ని ప్రమాదం జరిగినట్లు పోలీసులు భావిస్తున్నారు.