కొన్నిసార్లు మనం ఫోన్ ఎక్కడ పెట్టామో మర్చిపోతుంటాము. దాని కోసం ఇల్లంతా జల్లెడ పడుతుంటాము. వేరే ఫోన్‌తో కాల్ చేసి కనుక్కోవడానికి ప్రయత్నిస్తుంటాము. ఒకవేళ ఫోన్ మ్యూట్‌లో ఉందంటే అంతే సంగతి. దీంతో సమయం వృథా అవ్వడమే కాకుండా.. కాస్త ఆందోళనకు కూడా గురవుతుంటాము. అయితే మన ఫోన్‌లో ఓ యాప్ ఉంటే చిటికెలో ఆ ఫోన్ ఎక్కడుందో కనిపెట్టొచ్చు.

అదే ఫైండ్ మై ఫోన్ క్లాప్, విజిల్ యాప్. దీన్ని ప్లేస్టోర్ నుంచి డౌన్ లోడ్ చేసుకోవచ్చు. అయితే ఈ యాప్ ఇన్‌స్టాల్ చేసుకున్నాక రింగింగ్, ఫ్లాషింగ్, వైబ్రేటింగ్ అనే ఆప్షన్స్ కనిపిస్తాయి. వాటిలో ఒకటి ఎంచుకుంటే సరిపోతుంది. హడావుడిలో ఫోన్ ఎక్కడో పెట్టి మరిచిపోతే.. చప్పట్లు కొట్టడం లేదా ఈల వేయడం చేయాలి. ఇలా చేస్తే ఈ యాప్ ద్వారా మీ ఫోన్ వైబ్రేషన్, ఫ్లాష్ లేదా రింగ్‌టోన్‌తో ప్రతిస్పందిస్తుంది.