కుమ్రంభీం ఆసిఫాబాద్,(విజయక్రాంతి): వాంకిడి మండలంలో ప్రభుత్వ జూనియర్ కళాశాలలో ఇంటర్మీడియట్ పూర్తి చేసిన  దుర్గం అర్జున్  జేఈఈ మెయిన్స్ లో 1782 ర్యాంక్ సాధించి జోద్ పూర్ ఐఐటి కళాశాలలో సీట్ సాధించాడు. నిరుపేద కుటుంబం నుండి ఐఐటి ర్యాంక్ సాధించిన విద్యార్థికి ఎస్సీ కార్పొరేషన్ ద్వారా ఆర్థిక సహాయం చేయాలని భారత ప్రజాతంత్ర యువజన సమాఖ్య, కులవిక్ష వ్యతిరేక పోరాట సంఘం జిల్లా కమిటీల ఆధ్వర్యంలో శుక్రవారం జిల్లా ఎస్సీ సంక్షేమ అధికారి సజీవన్ కు వినతి పత్రం అందజేశారు. ఎస్సీ సంక్షేమ అధికారి సజీవన్  మాట్లాడుతూ ఐఐటి విద్యార్థి అర్జున్ కి  ఆర్థిక సహాయం అందించేలా కృషి చేస్తామని తెలిపారు. ఈ కార్యక్రమం డివైఎఫ్ఐ జిల్లా కార్యదర్శి గొడిసెల కార్తీక్, కెవిపిఎస్ జిల్లా కార్యదర్శి దుర్గం దినకర్, విద్యార్థి తల్లి దుర్గం జ్యోతి , కళాశాల లెక్చరర్ తదితరులు పాల్గొన్నారు.