పవన్ కల్యాణ్ తన తొలిసారిగా ‘హరి హర వీర మల్లు పార్ట్-1 స్వార్డ్ వర్సెస్ స్పిరిట్’ అనే పీరియాడికల్ యాక్షన్ సినిమాలో నటిస్తున్నారు. ఇటీవల చిత్ర బృందం, హాలీవుడ్ దిగ్గజ యాక్షన్ దర్శకుడు నిక్ పావెల్ ఆధ్వర్యంలో భారీ యుద్ధ సన్నివేశాన్ని చిత్రీకరించింది. యాక్షన్ దర్శకుడు నిక్ పావెల్‌ని యుద్ధ సన్నివేశం కోసం ప్రత్యేకంగా నియమించారు. తాజాగా ఈ చిత్రానికి సంబంధించి ఒక కీలక విషయాన్ని నిర్మాతలు వెల్లడించారు.

చిత్రీకరణ తుది దశకు చేరుకుందని.. ఈ వారాంతంలో విజయవాడలో ఆఖరి షెడ్యూల్ ప్రారంభం కానుందని తెలిపారు. ఈ షెడ్యూల్‌లో అత్యంత కీలకమైన భారీ సన్నివేశాలను చిత్రీకరించబోతున్నారు. పవన్‌తో పాటు, 200 మంది ఆర్టిస్టులు పాల్గొనబోతున్నారు. ఈ షెడ్యూల్ తో ‘హరి హర వీర మల్లు’ చిత్రీకరణ మొత్తం పూర్తి కానుంది. ఈ చిత్రం 2025, మార్చి 28న ప్రేక్షకుల ముందుకు రానుంది.