హీరో వెంకటేశ్, దర్శకుడు అనిల్ రావిపూడి కాంబోలో శ్రీ వెంకటేశ్వర క్రియేషన్స్ మరో చిత్రం రూపొందుతోంది. దిల్ రాజు సమర్పణలో శిరీష్ నిర్మించనున్న ఈ చిత్రానికి ఇంకా టైటిల్ ఖరారు కాలేదు. 2025 సంక్రాంతి సందర్భంగా ప్రేక్షకుల ముందుకు రానున్న ఈ మూవీ ప్రస్తుతం తమిళనాడు రాష్ట్రంలోని కోయంబత్తూర్ జిల్లా పరిధిలో ఉన్న పర్యాటక ప్రాంతమైన పొల్లాచ్చిలో చిత్రీకరణ జరుపుకొంటోంది. ఈ తాజా షెడ్యూల్‌లో కథానాయకుడు వెంకటేశ్ పాల్గొంటున్నారు. నెల రోజుల పాటు కొనసాగే ఈ షెడ్యూల్ మొత్తం టాకీ పార్ట్స్, సాంగ్స్ షూట్ చేయనున్నట్టు చిత్రబృందం తెలిపింది. మీనాక్షి చౌదరి, ఐశ్వర్య రాజేశ్ హీరోయిన్లుగా నటిస్తున్న ఈ సినిమాలో ఉపేంద్ర లిమాయే, రాజేంద్రప్రసాద్, సాయికుమార్ తదితరులు ముఖ్య పాత్రల్లో కనిపించనున్నారు. సంగీతం: భీమ్స్ సిసిరోలియో; సినిమాటోగ్రఫీ: సమీర్ రెడ్డి; యాక్షన్ డైరెక్టర్: వి వెంకట్.