మైత్రీ మూవీ మేకర్స్ నిర్మిస్తున్న తాజా చిత్రం ‘8 వ సంతాలు’. ఫణీంద్ర నర్సెట్టి దర్శకత్వం వహిస్తున్న ఈ చిత్రంలో అనంతిక సనీల్‌కుమార్ లీడ్ రోల్ పోషిస్తోంది. ఇటీవలే ఆమె ఫస్ట్‌లుక్ పోస్టర్ విడుదల కాగా, త్వరలోనే ఆమె పాత్రకు సంబంధించి గ్లింప్స్ విడుదల చేయనున్నట్టు మేకర్స్ తెలిపారు. ప్రస్తుతం చిత్రీకరణ శరవేగంగా జరుగుతోంది. మరోవైపు ఎడిటింగ్ వర్క్ కూడా కొనసాగుతోంది. ఇప్పటివరకు ఊటీ, హైదరాబాద్, కన్యాకుమారి తదితర ప్రాంతాల్లో చిత్రీకరణ జరుపగా, తర్వాతి షెడ్యూల్ కోసం కశ్మీర్, ఆగ్రా, వారణాసిల్లోని విభిన్న ప్రదేశాలకు వెళ్లనున్నట్టు చిత్రబృందం వెల్లడించింది. నవీన్ యెర్నేని, వై.రవిశంకర్ నిర్మిస్తున్న ఈ చిత్రానికి విశ్వనాథ్‌రెడ్డి సినిమాటోగ్రఫీ, హేషమ్ అబ్దుల్ వాహబ్ సంగీతం అందిస్తున్నారు.