ఘోర రోడ్డు ప్రమాదం.. తండ్రి కొడుకు మృతి

తిప్పనపల్లి,(విజయక్రాంతి): భద్రాద్రి కొత్తగూడెం జిల్లా చండ్రుగొండ మండలం తిప్పనపల్లి గ్రామ శివారు వద్ద శనివారం ఘోర రోడ్డు ప్రమాదం సంభవించింది. పోలీసులు తెలిపిన వివరాల ప్రకారం... ఖమ్మం జిల్లా ఎర్రుపాలెం మండలం కొత్తపాలెం గ్రామంలోని ఆంజనేయస్వామి ఆలయంలో పురోహితులుగా విధులు నిర్వహిస్తున్న చిలుమూరి సతీష్ కుమార్ శర్మ అతని భార్య లక్ష్మీ హిమబిందు, 10 సంవత్సరాలు కుమారుడుతో కొత్తగూడెం నుంచి విఎం బంజర వైపు వెళుతున్నారు.

తిప్పనపల్లి గ్రామ శివారులో ఆగి ఉన్న ట్రాక్టర్ ను బలంగా ఢీకొట్టడంతో సతీష్ కుమార్ శర్మ, కుమారుడు అక్కడికక్కడే మృతి చెందారు. తీవ్ర గాయాలైన ఆయన భార్యను వెంటనే స్థానికులు కొత్తగూడెం ఏరియా ఆసుపత్రికి తరలించారు. సమాచారం అందుకున్న పోలీసులు ఘటనాస్థలినికి చేరుకుని మృతదేహాలను పోస్టుమార్టం నిమిత్తం కొత్తగూడెం ఏరియా ఆసుపత్రికి తరలించారు. ఈ మేరకు కేసు నమోదు చేసుకొని దర్యాప్తు చేస్తున్నట్లు పోలీసులు పేర్కొన్నారు.