కామారెడ్డి జిల్లా కల్లూరులో రైతుల రాస్తారోకో

కామారెడ్డి (విజయక్రాంతి): ధాన్యం కొనుగోలు జాప్యాన్ని నిరసిస్తూ కామారెడ్డి జిల్లా బాన్సువాడ నియోజకవర్గంలోని పోతంగల్ మండలం కల్లూరులో రైతులు బుధవారం ఆందోళన చేపట్టారు. కొనుగోలు కేంద్రాలకు ధాన్యాన్ని తీసుకువచ్చి 8 రోజులు అవుతున్న ధాన్యాన్ని కాంట పెట్టడం లేదని రైతులు ఆందోళన వ్యక్తం చేస్తున్నారు. ధాన్యం కొనుగోలు కేంద్రాన్ని ఏర్పాటు చేయడమే అధికారులు ఆలస్యంగా చేశారని ఇప్పుడు ధాన్యం కాంట పెట్టేందుకు కూడా నిర్లక్ష్యం చేస్తున్నారని రైతుల ఆరోపించారు. వెంటనే కొనుగోలు చేయాలని రైతుల డిమాండ్ చేస్తున్నారు. ప్రభుత్వం నిర్లక్ష్యాన్ని నిరసిస్తూ  రైతులు రాస్తారోకో నిర్వహించారు. ఈ కార్యక్రమంలో రైతులు పోచయ్య, మధు పటేల్, బాలు గుండ, తీరుగొండ, భాస్కర్, బాల బోయి తదితరులు పాల్గొన్నారు.