ఆదిలాబాద్, నవంబర్ 19 (విజయక్రాంతి): ప్రమాదవశాత్తు వ్యవసాయ బావిలో పడి యువ రైతు మృతి చెందిన ఘటన ఆదిలాబాద్ జిల్లా ఇచ్చోడ మండలంలో జరిగింది. మండలంలోని ఇస్లాంనగర్‌కు చెందిన రైతు లాండిగే వెంకట్(20) తన అన్న పవన్‌తో కలిసి మంగళవారం కంది పంటలో పురుగుల మందు కొట్టడానికి వెళ్లాడు. పవన్ మందు కొడుతుండగా వెంకట్ నీరు తీసుకురావడానికి బావి దగ్గరకు వెళ్లాడు. బావిలో నుంచి నీజల్లు తోడుతుండగా ప్రమాదవశత్తు జారి బావిలో పడి చనిపోయాడు. మృతుడి తండ్రి దీపక్ ఫిర్యాదు మేరకు కేసు దర్యాప్తు చేస్తున్నట్టు ఎస్సై తిరుపతి తెలిపారు.