హుజూరాబాద్,(విజయక్రాంతి): రైతుపై గుర్తు తెలియని వ్యక్తులు దాడి చేసిన ఘటన హుజురాబాద్ నియోజకవర్గంలోని వినవంక మండలం హిమాయత్ నగర్ గ్రామంలో మంగళవారం సంఘటన చోటుచేసుకుంది. స్థానికులు తెలిపిన వివరాల ప్రకారం... వెంకట రాజిరెడ్డి అనే రైతు ఉదయనే మొక్కజొన్న చేనుకు నీళ్లు కడుతుండగా మాస్కులు ధరించి గుర్తుతెలియని వ్యక్తులు ఆయనపై ముకుముడిగా  దాడి పాల్పడారు. ఈ ప్రమాదంలో రైతుకు తీవ్ర గాయాలయ్యాయి. స్థానికులు 108లో జమ్మికుంట ఆసుపత్రికి తీసుకెళ్లగా అక్కడి నుంచి వరంగల్ ఎంజీఎంకు తరలించారు. విషయం తెలుసుకున్న పోలీసులు ఘటన స్థలానికి చేరుకొని విచారిస్తున్నట్లు తెలిపారు. పూర్తి వివరాలు తెలియాల్సి ఉంది.