తెలుగమ్మాయి.. అందునా తెలంగాణ ముద్దు బిడ్డ అయిన అనన్య నాగళ్ల అటు సినిమాల్లోనూ.. ఇటు సంఘ సేవలోనూ రాణిస్తున్నారు. ‘వకీల్ సాబ్’ చిత్రంతో నటిగా మంచి గుర్తింపు తెచ్చుకున్న అనన్య నాగళ్ల వరుస సినిమాల్లో అవకాశాలు సంపాదిస్తూ దూసుకెళుతున్నారు. ఇటీవల ‘పొట్టేల్’ చిత్రంతో ప్రేక్షకులను పలకరించారు. సంఘ సేవ విషయంలో ఎందుకోగానీ హీరోలతో పోలిస్తే హీరోయిన్లు చాలా వెనుకబడి ఉంటారు.

ప్రకృతి విపత్తు సంభవించిన సమయంలోనూ సాయమందించేందుకు ఒకరిద్దరు మినహా ఎవరూ ముందుకు రారు. అనన్య నాగళ్ల ఇప్పుడిప్పుడే సినిమాల్లో రాణిస్తున్నా కూడా వరదల సమయంలో రెండు తెలుగు రాష్ట్రాలకు తన వంతుగా ఆర్థిక సాయం అందించారు. ఇప్పుడు చలికాలం ప్రారంభమైంది.

ఈ తరుణంలో రోడ్డు పక్కన నిద్రించే వారి పరిస్థితి దారుణంగా ఉంటుం ది. అర్ధరాత్రి వెళ్లి వారందరికీ దుప్పట్లు అందించి అనన్య గొప్ప మనసు చాటుకున్నారు. దీనికి సంబంధించిన వీడియో సోషల్ మీడియాలో వైరల్ అవడంతో తెలుగమ్మాయిని టాలీవుడ్ ప్రేక్షకులు ఆకాశానికి ఎత్తుతున్నారు. ఫ్యాన్స్ ఫిదా అవుతున్నారు.