1. బాధితుల నుంచి రూ.లక్షల్లో వసూలు 
2. దంపతుల అరెస్టు

పెద్దపల్లి, సెప్టెంబర్ 3 (విజయక్రాం తి): పెద్దపల్లి జిల్లా ముత్తారం మండ లం హరిపురం గ్రామానికి చెందిన ఎర్ర వెంకట నాగరాజు, రామంచ సౌజన్య భార్యభర్తలు. ఇద్దరూ కలిసి తెలుగు మ్యాట్రిమొని వెబ్‌సైట్‌లో యువతుల పేరుతో ఫేక్ ప్రొఫైల్ తయారు చేసి, యువకులకు రిక్వెస్ట్ పెడుతూ స్పందించిన వారిని నమ్మించి రూ.లక్షల్లో వసూలు చేస్తున్నారు.

ఆరోగ్యం బాగా లేదని, హాస్పిటల్ ఖర్చులకంటూ డబ్బులు వసూలు చేసేవారు. మంచిర్యాల జిల్లాకు చెందిన వ్యక్తి వీరి చేతిలో చిక్కుకుని రూ.17 లక్షలు మోసపోయినట్లు ఫిర్యాదు పోలీసులకు ఫిర్యాదు చేశాడు. రామగుండం సీపీ ఆదేశాల మేరకు గోదావరిఖని సైబర్ క్రైమ్ ఎస్‌హెచ్‌ఓ డీఎస్పీ వెంకటరమణ, సీఐ కృష్ణమూర్తి కేసు దర్యాప్తు చేయగా నిందితులను గుర్తించి, ఆదివారం అరెస్టు చేశారు.