ముగ్గురి గంజాయి ప్లెడ్లర్ల అరెస్ట్ 

హైదరాబాద్ సిటీబ్యూరో, నవంబర్ 26(విజయక్రాంతి) : గోల్కొండ ఎక్సైజ్ పోలీస్ స్టేషన్ పరిధిలోని షేక్‌పేట్, టోలీచౌకీ ప్రాంతాల్లో గంజాయి అమ్మకాలు జరుగుతున్నట్లు వచ్చిన సమాచారం మేరకు ఎస్టీఎఫ్ సీఐ చంద్రశేఖర్‌గౌడ్  బృందం మంగళవారం తెల్లవారు జామున దాడులు నిర్వహించారు. ఆ ప్రాంతంలో ఓ కారులో యువతి మరికొందరు ఉండగా స్కూటీపై వచ్చిన మరో వ్యక్తి వరికి గంజాయి ప్యాకెట్‌ను ఇస్తుండగా ఎక్సైజ్ పోలీసులు పట్టు కున్నారు.

స్కూటీపై వచ్చిన వ్యక్తి వద్ద నుంచి కిలో గంజాయిని స్వాధీనం చేసుకున్నారు. అనంతరం కారులో తనిఖీ చేయగా మరో 1.70కిలోల గంజాయి, 11గ్రాముల ఎండీఎంఏ, 3ఎల్‌ఎస్‌డీ బాస్ట్స్ లభ్యమయ్యాయి. వాటి విలువ రూ.1.84లక్షలు ఉంటుందని అధికారులు తెలిపారు. ఈ కేసులో పి.సాయిబాబు,  వై.వెంకట్‌రెడ్డి, వి.సోనియా అలియా స్ ప్రియాంకను అరెస్ట్ చేశారు. తనిఖీల్లో ఎస్టీఎఫ్ ఎస్సై శ్రీనివాస్, సిబ్బంది శ్రీకాంత్ , సాయికుమార్, కరన్, ప్రసాద్,తరుణి, నిఖిల్ తదితరులు పాల్గొన్నారు.