నిర్మల్ (విజయక్రాంతి): తెలంగాణ ప్రభుత్వం ఏర్పడి ఏడాది పూర్తి అయిన సందర్భంగా విద్యాశాఖ ఆధ్వర్యంలో ప్రజాపాలనపై ఆదివారం పాఠశాల విద్యార్థులకు వ్యాసరచన పోటీలను నిర్వహించారు. జిల్లాలోని అన్ని ప్రభుత్వ ఉన్నత పాఠశాలలో ఈ వ్యాసరచన పోటీలను నిర్మించగా ఈ పోటీలను జిల్లా విద్యాశాఖ అధికారి రామారావు, పరీక్షల కోఆర్డినేటర్ పద్మ, ఎంఈఓ లు పర్యవేక్షించారు. గెలుపొందిన విద్యార్థులకు జిల్లా అధికారుల సమక్షంలో సన్మానం చేసి ప్రశంస పత్రాలను అందించడం జరుగుతుందని వారు తెలిపారు. ఈ కార్యక్రమంలో ఆయా పాఠశాల ప్రధానోపాధ్యాయులు, ఉపాధ్యాయులు పాల్గొన్నారు.