నలుగురు ఉగ్రవాదుల హతం

జమ్ముకశ్మీర్, నవంబర్ 2: జమ్ముకశ్మీర్‌లో ఉగ్రవాదుల ఏరివేత కొన సాగుతోంది. శనివారం ఉదయం అనంత్‌నాగ్, ఖన్యార్‌లో భద్రతా దళా లు చేపట్టిన సెర్చ్ ఆపరేషన్‌లో నలుగురు ఉగ్రవాదులు హతమయ్యారు.  అనంతనాగ్‌లోని హల్కన్‌గలి ప్రాం తంలో ఉగ్రవాదులు నక్కి ఉన్నారనే సమాచారంతో బలగాలు, స్థానిక పోలీసులు సంయుక్త ఆపరేషన్ చేపట్టాయి.

ఈ క్రమంలో ఉగ్రవాదులు కాల్పులకు తెగబడ్డారు. తేరుకున్న బలగాలు ఎదురుకాల్పులు జరపగా ముగ్గురు ఉగ్రవాదులు హతమయ్యా రు. ఖన్యార్‌లో ఓ ఉగ్రవాదిని మట్టుబెట్టగా అతడు పాకిస్థాన్‌కు చెందిన లష్కర్ కమాండర్ ఉస్మాన్ అలియాస్ ఛోటా వాలిద్‌గా గుర్తించారు. ఈ ఆపరేషన్‌లో నలుగురు జవాన్లకు గాయాలయ్యాయి. అక్కడ ఇంకా గాలింపు కొనసాగుతూనే ఉంది.