వాషింగ్టన్: ఉక్రెయిన్ అధ్యక్షుడు వోలోడిమిర్ జెలెన్స్కీ(Volodymyr Zelenskyy) తన భార్య ఒలెనా జెలెన్స్కాతో కలిసి ఫోటోషూట్‌లో పాల్గొన్నందుకు టెస్లా సీఈఓ, వైట్ హౌస్ సలహాదారు ఎలన్ మస్క్(Elon Musk ) తీవ్రంగా విమర్శించారు. ఈ ఫోటోలను ప్రఖ్యాత ఫోటోగ్రాఫర్ అన్నీ లీబోవిట్జ్ తీశారు. కొనసాగుతున్న యుద్ధంలో జెలెన్స్కీ ప్రాధాన్యతలను ప్రశ్నిస్తూ, మస్క్ ఫోటోషూట్‌పై తన ఆగ్రహాన్ని వ్యక్తం చేశారు. “యుద్ధంలో పెద్ద సంఖ్యలో సైనికులు, పిల్లలు మరణిస్తున్నప్పుడు, మీ భార్యతో ఫోటోషూట్ చేయడం సముచితమని మీరు నిజంగా అనుకుంటున్నారా?” అని మస్క్(Musk) ప్రశ్నించారు.

యుద్ధ సమయంలో ఇటువంటి కార్యకలాపాలు తప్పుగా జలెన్స్కీ చర్యలను ఆయన విమర్శించారు. జెలెన్స్కీ గతంలో అమెరికా రిపబ్లికన్ పార్టీ(Republican Party) నాయకుల నుండి విమర్శలను ఎదుర్కొన్నారు. కొంతమంది రిపబ్లికన్ రాజకీయ నాయకులు మానవతా దృక్పథంతో ఉక్రెయిన్‌కు మద్దతు ఇస్తున్నప్పటికీ, జెలెన్స్కీ(Zelenskyy) వారిని "మూర్ఖులు"గా చూస్తారని ఆరోపించారు. ముఖ్యంగా ప్రపంచ నాయకులు శాంతి చర్చల గురించి చర్చిస్తున్న సమయంలో ఉక్రెయిన్ నాయకుడి విధానం తాజా వివాదానికి దారితీసింది. అమెరికా అధ్యక్షుడు డొనాల్డ్ ట్రంప్(US President Donald Trump) ఇటీవల జెలెన్స్కీని "నియంత" అని పిలిచారు. ఉక్రెయిన్‌లో ఎన్నికలు నిర్వహించనందుకు ఆయనను విమర్శించారు.