అధ్యక్షుడిగా సురేశ్‌కుమార్, ప్రధాన కార్యదర్శిగా లింగమూర్తి

హైదరాబాద్, నవంబర్ 18 (విజయక్రాంతి): తెలంగాణ సచివాలయ ఆఫీసర్స్ అసోసియేషన్ (టీజీఎస్‌వోఏ) అధ్యక్షుడిగా సురేశ్ కమార్, ప్రధాన కార్యదర్శిగా పీ లింగమూర్తి ఎన్నికయ్యారు. సోమవారం టీజీఎస్‌వోఏ ఎన్నికలు సచివాలయంలో జరిగాయి. సాయంత్రం 4 గంటల వరకు పోలింగ్ జరగ్గా.. ఆ తర్వాత ఓట్లను లెక్కించి ఫలితాలను వెల్లడించారు.

ఈ ఎన్నికల్లో ప్రత్యర్థి ప్రవీణ్‌కుమార్‌పై లింగమూర్తి 22 ఓట్ల తేడాతో గెలుపొందారు. ప్రస్తుతం ఉన్న కార్యవర్గానికి మూడేండ్ల కాల వ్యవధి ముగుస్తున్న నేపథ్యంలో ఎన్నికల కోసం ఇటీవల నోటిఫికేషన్ విడుదల చేశారు. ఇందులో భాగంగా సోమవారం పోలింగ్ నిర్వహించారు.

ఎన్నికల్లో అసోసియేట్ ప్రెసిడెంట్‌గా కేఎస్ ప్రసాద్, ఉపాధ్యక్షులుగా డీ అంజన్ కుమార్, ఎం రామ్‌సింగ్, మహిళా ఉపాధ్యక్షురాలిగా డీ లలితాకుమారి, అడిషనల్ సెక్రటరీలుగా బీ స్వామి, కే సత్యనారాయణ, జా యింట్ సెక్రటరీలుగా రమాదేవి, మల్లికార్జునరావు ఎన్నికయ్యారు.