హైదరాబాద్: తెలంగాణ రాష్ట్రంలో నేటితో ఎన్నికల ప్రచారం ముగిసింది. ఈ నెల 13వ తేదిన 17 లోక్ సభ స్థానాలకు, కంటోన్మెంట్ అసెంబ్లీ ఉపఎన్నిక జరుగనుంది. సోమవారం రాష్ట్రవ్యాప్తంగా 35,809 కేంద్రాల్లో పోలింగ్ జరుగనుండగా.. జూన్ 4న ఓట్ల లెక్కింపు జరుగుతుంది. 17 ఎంపి స్థానాలు, కంటోన్మెంట్ అసెంబ్లీ స్థానానికి సోమవారం ఉదయం 7 గంటల నుంచి సాయంత్రం 6 గంటల వరకు పోలింగ్ నిర్వహించగా... 106 అసెంబ్లీ సెగ్మెంట్ల పరిధిలో సాయంత్రం 6 వరకు, 13 సమస్యాత్మక సెగ్మెంట్లలో సాయంత్రం 4 వరకు పోలింగ్ అవుతుంది.