హైదరాబాద్: ఫార్ములా-ఈ కార్ రేసు కేసులో భారత రాష్ట్ర సమితి (Bharat Rashtra Samithi) కార్యనిర్వాహక అధ్యక్షుడు కల్వకుంట్ల తారక రామారావు(Kalvakuntla Taraka Rama Rao)కు ఎన్‌ఫోర్స్‌మెంట్ డైరెక్టరేట్ (Enforcement Directorate) నోటీసులు జారీ చేసింది. కొనసాగుతున్న ఫార్ములా రేస్ విచారణకు సంబంధించి కేటీఆర్ ను జనవరి 7న విచారణకు హాజరుకావాలని నోటీసులో పేర్కొంది. కేటీఆర్ తో పాటు, సీనియర్ ఇండియన్ అడ్మినిస్ట్రేటివ్ సర్వీస్ (IAS) అధికారి అరవింద్ కుమార్,హైదరాబాద్ మెట్రోపాలిటన్ డెవలప్‌మెంట్ అథారిటీ (HMDA) మాజీ చీఫ్ బీఎల్ఎన్ రెడ్డిలకు కూడా నోటీసులు ​​జారీ చేసింది. అరవింద్ కుమార్‌ను జనవరి 2న, బిఎల్ఎన్ రెడ్డి జనవరి 3న విచారణకు హాజరు కావాలని సూచించింది. అవినీతి నిరోధక బ్యూరో (ఏసీబీ) దాఖలు చేసిన ఎఫ్‌ఐఆర్ ఆధారంగా మనీలాండరింగ్ నిరోధక చట్టం (పీఎంఎల్‌ఏ) కింద ఈ విచారణ జరుగుతోంది.