ఇస్లామాబాద్: పాకిస్తాన్‌లోని ఇస్లామాబాద్‌(Islamabad)లో 5.8 తీవ్రతతో శనివారం భారీ భూకంపం(Pakistan Earthquake) సంభవించింది. గత రెండు వారాల్లో ఆ దేశంలో సంభవించిన మూడవ భూకంపం ఇది. ఇప్పటివరకు, ఈ ప్రకృతి వైపరీత్యంలో ఎటువంటి నష్టం లేదా ప్రాణనష్టం సంభవించలేదని అధికారులు తెలిపారు. నేషనల్ సీస్మిక్ మానిటరింగ్ సెంటర్ (National Streering-Cum-Monitoring Committee) ప్రకారం శనివారం మధ్యాహ్నం 12:31 గంటలకు 12 కిలోమీటర్ల లోతులో భూకంపం సంభవించింది. 

రావల్పిండికి వాయువ్యంగా 60 కిలోమీటర్ల దూరంలో భూకంప కేంద్రం ఉంది. పంజాబ్‌లోని అటాక్, చక్వాల్, మియాన్వాలి జిల్లాల పరిసర ప్రాంతాలలో భూకంపం సంభవించింది. ఖైబర్ పఖ్తుంఖ్వా ప్రావిన్స్‌లోని పెషావర్, మర్దాన్, మొహ్మండ్, షబ్‌ఖాదర్‌లలో ప్రకంపనలు సంభవించాయి. పాకిస్తాన్‌లో తరచుగా వివిధ తీవ్రతలతో భూకంపాలు సంభవిస్తాయి. 2005లో దేశంలో అత్యంత ప్రాణాంతకమైన భూకంపంలో 74,000 మందికి పైగా మరణించిన విషయం తెలిసిందే. ఇస్లామాబాద్‌లో 5.8 తీవ్రతతో కూడిన శక్తివంతమైన భూకంపం ధాటికి జమ్మూ కాశ్మీర్‌లోని పూంచ్, రాజౌరితో సహా నగరం, పరిసర ప్రాంతాలలో బలమైన భూ ప్రకంపనలు(Earthquakes) సంభవించాయని స్థానిక ప్రజలు చెబుతున్నారు.