టాలీవుడ్‌లో గత ఏడాది రిలీజైన ‘బలగం’ సినిమా ఏమాత్రం అంచనాలు లేకుండా విడుదలై, బాక్సాఫీస్ దగ్గర పెద్ద సక్సెస్ సాధించిన సంగతి తెలిసిందే. ఈ చిత్రాన్ని తెరకెక్కించిన వేణు యెల్దండి.. ఇప్పుడు చేస్తున్న మరో సినిమా ‘ఎల్లమ్మ’. వేణు యెల్దండి డైరెక్షన్‌లో రెండో చిత్రంగా రూపొందుతున్న ఈ సినిమా గురించి ఇటీవల అనూహ్యంగా కీలకమైన వార్తలు వస్తూ ఉన్నాయి.

నిర్మాత దిల్ రాజు కూడా తాజాగా మీడియాతో ముచ్చటిస్తూ ఈ చిత్రానికి సంబంధించిన అప్‌డేట్ ఇచ్చారు. ఈ సినిమాలో నితిన్ హీరోగా నటించనున్నారని ఆయన వెల్లడించారు. వచ్చే దసరా సినిమాల బరిలో ‘ఎల్లమ్మ’ ఉండేలా ప్లాన్ చేస్తున్నట్టు తెలిపారు. నాని హీరోగా నటించిన ‘దసరా’ సినిమాలోని మాస్ సీన్లకు రెట్టింపు స్థాయిలో ‘ఎల్లమ్మ’ పోరాట ఘట్టాలు ఉంటాయని కూడా దిల్ రాజు చెప్పడంతో ఈ సినిమాపై మరింత పెరిగిపోయాయి.

ఈ సినిమా గురించి దిల్ రాజు ఇచ్చిన సమాచారం దర్శకుడు వేణు అభిమానుల్లో ఆనందం వ్యక్తమవుతోంది. మరో హిట్ కొట్టాలంటూ తమ అభిమాన డైరెక్టర్‌కు ఫ్యాన్స్ వెషెస్ చెప్తూ సామాజిక మాధ్యమాల్లో పోస్టులు పెడుతున్నారు. అయితే, ‘ఎల్లమ్మ’ షూటింగ్ వచ్చే ఏడాది ఫిబ్రవరిలో ప్రారంభం కానుంది.  

కొత్త టాలెంట్ కోసం ‘దిల్ రాజు డ్రీమ్స్’ 

చిత్ర పరిశ్రమలో కొత్త టాలెంట్‌ను ప్రోత్సహించేందుకు ప్రముఖ నిర్మాత దిల్ రాజు ‘దిల్ రాజు డ్రీమ్స్’ పేరుతో ఓ వేదికను నెలకొల్పారు. దీనికి సంబంధించి ఓ లోగోను ఆవిష్కరించారు. త్వరలోనే ప్రత్యేకంగా వెబ్‌సైట్‌ను లాంచ్ చేయనున్నారు.

ఈ విషయాలను దిల్ రాజు స్వయంగా మీడియాకు వెల్లడించారు. దర్శక, నిర్మాతలు, హీరో హీరోయిన్లు ఇలా ఎవ్వరైనా సరే ఇంట్రెస్ట్ ఉన్నవాళ్లు, కంటెంట్ ఉన్నవాళ్లు దిల్ రాజు టీమ్‌ను అప్రోచ్ అవ్వొచ్చని చెప్పారు. ఇందుకోసం ఓ వెబ్‌సైట్‌ను లాంచ్ చేయబోతోన్నామని తెలిపారు. ఆ వెబ్‌సైట్ ద్వారా మీ కంటెంట్ తమ టీమ్‌కు చేరుతుందని, ఎలాంటి రికమండేషన్స్ ఉండవని స్పష్టం చేశారు. అందరూ వెబ్‌సైట్స్ ద్వారానే అప్రోచ్ అవ్వాలని సూచించారు.