మంచిర్యాల,(విజయక్రాంతి): మంచిర్యాల పట్టణంలోని హమాలివాడ ఏరియాలో గంజాయిని అమ్ముతున్నాడని పక్కా సమాచారం మేరకు విజయనగర్ కాలనీ బోర్డు వద్ద ఒకరిని అరెస్ట్ చేసి అతని వద్ద నుంచి 115 గ్రాముల ఎండు గంజాయిని సీజ్ చేసినట్లు మంచిర్యాల ఎక్సైజ్ సీఐ గురవయ్య సోమవారం సాయంత్రం తెలిపారు. గంజాయి కలిగి ఉన్న హమాలివాడ కు చెందిన షేక్ హుస్సేన్ పై నార్కటిక్ డ్రగ్స్ యాక్ట్ కింద కేసు నమోదు చేసి కోర్టులో హాజరు పరిచామన్నారు. ఈ దాడుల్లో మంచిర్యాల ఎక్సైజ్ ఇన్స్పెక్టర్ శంకర్ ఆధ్వర్యంలో సిబ్బంది లచ్చన్న, రాజేంద్రప్రసాద్, ప్రసాద్, ఉమా రాణి తదితరులు పాల్గొన్నారు.