మేడ్చల్, నవంబర్ 8: డ్రగ్స్ విక్రయిస్తున్న ఓ వ్యక్తిని పోలీసులు అరెస్ట్ చేశారు. డీసీపీ కోటిరెడ్డి కథనం ప్రకారం.. కొంపల్లిలో ఓ వ్యక్తి డ్రగ్స్ విక్రయాలకు పాల్పడుతున్నాడనే సమాచారంతో శుక్రవారం మేడ్చల్ ఎస్‌వోటీ, పోలీసులు సంయుక్తంగా వల పన్ని గౌలాని అసిఫ్ అనే వ్యక్తిని అరెస్ట్ చేసి రిమాండ్‌కు తరలించారు. అతని నుంచి సుమారు రూ.4.40 లక్షల విలువైన 30 గ్రాముల ఎండీఎంఏ డ్రగ్స్ స్వాధీనం చేసుకున్నారు.

గౌలాని అసిఫ్ గుజరాత్‌కు చెందినవాడని, 15 ఏళ్ల క్రితం నగరానికి వచ్చి బేకరీలో పనిచేస్తూ అదనపు ఆదా యం కోసం డ్రగ్స్ దందా చేస్తున్నాడని పోలీసులు గుర్తించారు. అదేవి ధంగా డ్రగ్స్ కొనుగోలు చేయడానికి వచ్చిన నాంపల్లికి చెందిన తరుణ్ వ్యాస్, ఈస్ట్ మారేడుపల్లికి చెందిన మహమ్మద్ ఇక్బాల్, రామంతపూర్‌కు చెందిన పల్లా సుశాంత్‌రెడ్డిని అదుపులోకి తీసుకున్నారు. వారికి నోటీసులు ఇచ్చి, కౌన్సెలింగ్ నిర్వహించి పంపిస్తామని డీసీపీ వెల్లడించారు.