హైదరాబాద్ : నగరంలో డ్రగ్స్ సరఫరా చేస్తున్న ముఠాను పోలీసులు సోమవారం అరెస్టు చేశారు. ఐదుగురిని అరెస్టు చేయగా, మరో ఇద్దరు పరారీలో ఉన్నట్లు పోలీసులు తెలిపారు. వారి నుంచి రూ.35 లక్షలు విలువైన 199 గ్రాముల కొకైన్, రెండు పాస్ పోర్టులు, 10 సెల్ ఫోన్లు, 2 బైకులు స్వాధీనం చేసుకున్నామన్నారు. డ్రగ్స్ తెచ్చిన ఐదుగురిలో ఇద్దరు నైజీరియన్లు ఉన్నట్లు పోలీసులు వెల్లడించారు. రని, ఒనౌహా బ్లెస్సింగ్, అజీజ్ నోహీం, వెంకట గౌతమ్, వరుణ్ కుమార్, మహ్మద్ షరీఫ్ ను అరెస్టు చేశామన్నారు. పరారీలో ఉన్న ఇద్దరి నిందితులపై రూ.2 లక్షల రివార్డు ప్రకటించారు. డ్రగ్స్ గురించి సమాచారం ఉంటే 87126 71111 నంబర్ కు కాల్ చేసి సమాచారం అందించాలని కోరారు.