హైదరాబాద్ సిటీబ్యూరో, జూలై 3 (విజయక్రాంతి) : జలమండలి పరిధిలోని పలు డివిజన్లలో గురు వారం తాగునీటి సరఫరాకు అంతరాయం కలగనుంది. ఈ మేరకు జలమండలి అధికారు లు బుధవారం ప్రకటన విడుదల చేశారు. సింగూరు 3, 4 ఫేజులకు విద్యుత్ సరఫరా చేసే పెద్దాపూర్, కంది 132 కేవీ సబ్‌స్టేషన్లలో మరమ్మతులు చేపడుతున్నందున నీటి సరఫరా నిలిచిపోనుందని పేర్కొన్నారు. ఉదయం 7 గంటల నుంచి శుక్రవారం ఉదయం 7 గంటల వరకు మరమ్మతులు జరుగుతున్నందున పలుచోట్ల పూర్తిగా అంతరాయం కలుగుతుందని  తెలిపారు. 

పూర్తి అంతరాయం ఇక్కడే.. 

ఓఅండ్‌ఎం డివిజన్ 3లోని షేక్‌పేట్, ఓ అండ్‌ఎండివిజన్ 6లోని జూబ్లీహిల్స్, సోమాజీగూడ, బోరబండ, ఓఅండ్‌ఎం డివిజన్ 9 మూసాపేట్, ఓఅండ్‌ఎం డివిజన్ 15 నల్లగండ్ల, చందానగర్, హుడా కాలనీ, హఫీజ్‌పేట్, ఓఅండ్‌ఎం డివిజన్ 18 మణికొండ, నార్సింగి, మంచిరేవుల, ఓఅండ్ ఎండివిజన్ 24లో తెల్లాపూర్, ఓ అండ్ ఆర్ డివిజన్ 8లోని బల్క్ కనెక్షన్లకు తీవ్ర అంతరాయం కలుగుతుందని అధికారులు తెలిపారు.