హీరో సుధీర్‌బాబు ‘మా నాన్న సూపర్ హీరో’లో ఎమోషనల్ ప్యాక్డ్ రోల్‌లో కనిపించనున్నాడు. అభిలాష్ రెడ్డి కంకర దర్శకత్వం వహిస్తున్న ఈ చిత్రాన్ని సునీల్ బలుసు నిర్మిస్తున్నారు. తాజాగా మేకర్స్ నాన్న సాంగ్‌ను రిలీజ్ చేసి మ్యూజికల్ ప్రమోషన్స్ స్టార్ట్ చేశారు. అనగా అనగా అంటూ ఓ కథ చెప్తా వినరా బ్రదరూ.. నే చెప్పే కథలో మా నాన్నే హీరోలే..’ అంటూ సాగుతోందీ పాట. ప్రతి కొడుకు తన తండ్రికి హార్ట్ ఫుల్‌గా రాసే ప్రేమలేఖ లాంటి అనుభవాన్నిచ్చే ఈ సాంగ్‌లో కొడుకు తన తండ్రి పట్ల ఉన్న ప్రేమ, అభిమానాన్ని అందంగా ప్రజెంట్ చేస్తోంది. జై కృష్ణ సమకూర్చిన స్వరాలు, లక్ష్మీ ప్రియాంక లిరిక్స్ భావోద్వేగాన్ని పండిస్తున్నాయి. ఈ పాటను నజీరుద్దీన్ పాడారు. ఆర్ణ హీరోయిన్‌గా నటిస్తున్న ఈ మూవీలో సాయిచంద్,  రాజు సుందరం, శశాంక్, ఆమని, అన్నీ కీలక పాత్రలు పోషిస్తున్నారు. ఈ సినిమా అక్టోబర్ 11న విడుదల కానుంది.