ఇది అమెరికన్లు గర్వించే విజయం: డొనాల్డ్ ట్రంప్

వాషింగ్టన్: అమెరికా ఎన్నికల ఫలితాలతో రిపబ్లికన్ పార్టీ అభ్యర్థులు సంబరాలు చేసుకుంటున్నారు. ఈ సందర్భంగా డొనాల్డ్ ట్రంప్ మాట్లాడుతూ... అమెరికాలో ఇలాంటి విజయం ఎన్నడూ చూడలేదని చెప్పారు. అమెరికన్లకు సువర్ణ యుగం రాబోతోందని తెలిపారు. ఎన్నికల యుద్ధంలో రిపబ్లికన్లు భాగా పోరాడారని ట్రంప్ కొనియాడారు. రిపబ్లికన్ పార్టీకి 315 సీట్లు వచ్చే అవకాశముందని ఆయన వెల్లడించారు. పాపులర్ ఓట్లలోనూ రిపబ్లికన్ పార్టీదే హవా అన్నారు. ఘన విజయం అందించిన అమెరికన్లకు ట్రంప్ ధన్యవాదాలు తెలిపారు. ఇది అమెరికన్లు గర్వించే విజయమని పేర్కొన్నారు. అమెరికా కోలుకునేందుకు ఈ విజయం దోహదం చేస్తుందని ఆయన వ్యాఖ్యానించారు.